Кыргыз коомчулугу жана кино өнөрү орду толгус оор жоготууга учурады.

2023-жылдын 9-мартында 65 жаш курагында Кыргыз Республикасынын Эл артисти, кинорежиссёр жана сценарист Марат Сарулу дүйнө салды.

Марат Сарулу 1957-жылы 26-сентябрда Талас шаарында туулган. 1980-жылы Кыргыз Мамлекеттик университетинин филология факультетин аяктаган жана 1984-жылы Москва шаарындагы Режиссерлордун Жогорку курсунда Ф.Хитруктун устаканасында билим алган.

Марат Сарулу Кыргыз Республикасынын Эл артисти, Токтогул атындагы Мамлекеттик сыйлыгынын лауреаты, Кыргыз Республикасынын искусствосуна эмгек сиңирген ишмер, Кыргыз Республикасынын Кинематографисттер союзунун жана КМШ жана Балтика өлкөлөрүнүн кинематографисттер союздарынын конфедерациясынын мүчөсү болгон.

Марат Сарулу сценарист жана режиссер катары койгонтолук метраждуу “Миң кыял”, “Көч”, “Песнь южных морей”, “Бурная река, безмятежное море”,“Алтын кыргоол”, кыска жана орто метраждуу “Мандала” “Взлет”, “Соль”, даректүү “Имаго” жана анимациялык “Моление о Пречистой птице” тасмаларыреспубликалык жана эл аралык деңгээлде жогору бааланып, эл аралык кинофестивалдарда сыйлыктар жана дипломдор менен сыйланган.

Сценарист катары “Манкурт”, “Бешкемпир” толук метраждуу тасмаларынын сценарийлеринин со-автору болгон.

Жапаров С.Н., Шакыев Н.Т., Жапаров А.У., Байсалов Э.Ж., Максутов А.А., Чынгыз Эсенгул уулу, Шер-Нияз С., Иманалиев К.О., Бектеналиев М.А., Усупекова А.К., Бекболотов А., Өзбекова Ж., Керимова Г.К., Токомбаева Н.К., Абдиев М., Ишенов С., Мусаев М., Арым-Кубат А., Соданбек Ж., Ибрагимов Т., Мамбетова Н., Сыдыкбаева Ж., Абдыгулов К., Сүйүндуков А., Сарулу М., Абдыкадыров Н., Одуракаев Б., Жангазиев А.М., Бирназаров Т.М., Мукул Б.