Аваз Момуналиев өтүп кетиптир

2023-жылдын 14-апрелинде  67 жаш курагында Кинематография департаментинин Чарба иштери боюнча бөлүмүнүн башчысы, кесиптешибиз Момуналиев Авазбек Курманбекович дүйнө салды.

Авазбек Курманбекович1956-жылы 12-июнда Чүй областынын Асылбаш айылында төрөлгөн. 1979-жылы Алма-Ата кинотехникумунда, Киножабдуулар жана аны эксплуатациялоо адистиги боюнча билим алган.

А.Момуналиев кино тармагында 50 жылга жакын эмгектенип, эмгек жолу 1974-жылы “Россия” кинотеатрында киномеханик кызматында иштөө менен башталып, инженер, Ч.Айтматов атындагы Кино үйүндө киномеханик, Чарба иштери боюнча бөлүм башчы кызматтарында иштеген. Ал боорукер, чынчыл, эмгекчил мүнөздөрү менен кесиптештер арасында кадыр-барктуу эле.

Авазбек Курманбековичтин жаркын элеси кесиптештердин жана жакындарынын арасында түбөлүккө сакталат.

Маркумдун үй-бүлөсүнө, жакындарына терең кайгыруу менен көңүл айтып, кайгысын тең бөлүшөбүз.