Кинематография департаментинин Эксперттик комиссиясынын 2023-жылдын 11-мартындагы чечимине ылайык  жаш кинематографистерди колдоо максатында “Эң мыкты кинодолбоорлор” сынагына көркөм жана даректүү тасмаларынын долбоорлорун кабыл алууну жарыялайт.

Сынакка билдирмелер 2023-жылдын 14-апрелине чейин кабыл алынат.

Кабыл алуу эрежеси:

Көркөм жана  даректүү тасмалардын долбоорлору кабыл алынат.

Кыргыз Республикасынын жараны болуш керек.

Долбоорлор кыргыз жана орус тилдеринде кабыл алынат.              

Кино долбоор төмөнкү талаптарга жооп бериши керек:

1. Кинематография департаментинин директорунун атына кат.

2. Өтүнмө  (формасы тиркелет).

3. Долбоордун кыскача синопсиси (формасы тиркелет).

4. Календардык план (формасы тиркелет).  

5. Сценарий.

6. Сценарийдин автору, режиссеру жана продюсеринин Кыргыз Республикасынын жарандыгын тастыктаган документтеринин көчүрмөлөрү (паспорт).

7. Долбоордун бюджети (формасы тиркелет).

8. Кинодолбоордун  режиссерунун, сценаристин өмүр баяны, атайын окуу жайын же режиссердук курсту бүтүргөндүгү тууралуу документ (CV).

9. Режиссердун фильмографиясы,  эл аралык кинофестивалдарда алган сыйлыктарынын көчүрмөлөрү.

10. Кинодолбоорлорго кино тармагында жетишкендиктери бар адистин көркөм жетекчи болууга сунуштама.

11. Тарта турган кинокомпаниянын же студиянын фильмографиясы.

12. Кинодолбоорду каржылоонун көлөмү жана булактарын тастыктаган документтердин көчүрмөлөрү.

13. Салык, камсыздоочу төлөмдөр жана туумдардын төлөө боюнча фискалдык органдардан (карызы жоктугун тастыктаган)  маалымкат.

Эскертүү: жогорудагы тизмедеги талап кылынган иш кагаздар 2 экз. болушу керек.

Иш кагаздар толук болбосо кабыл алынбайт.

Формаларды жүктөө (басыңыз)