Monday, 20 August 2018 00:00 |
There was the screening of the Kazakh movie "Way to the Mother" in Issyk-Kul lake
14 August 2018, Issyk-Kul
14-август күнү “Кыргыз деңизи” санаторийинин кинотеатрында Казакфильм киностудиясы тарабынан тартылган режиссер Акан Сатаевдин “Анага апарар жол” (“Дорога к матери”) фильми көрсөтүлдү. Бул иш чарага Казакстан Республикасынын эмгек сиңирген кайраткери, атактуу актер, фильмде Ильяздын обоазын жараткан Адил Ахметов катышты. Адил Ахметов Казакстандагы белгилүү актер. “Астана менин махабатым”, “Кара шаңырак”, “Парыз”, “Кек”, “Цены свободы” тасмаларында башкы каармандарды аткарган.
Фильм көрүүчүлөргө тартууланган соң көрүүчүлөр жакшы пикирлерин айтышып ыраазычылык билдиришти. Мамлекеттик кино департаментинин директору М.А.Бектеналиев сөз сүйлөп Адил Ахметовду Ардак Грамота менен сыйлады. Ысык-Көл раойндук Мамлекеттик администрация башчысы Аким Иманалиев Данир Белекович да Ыраазычылык катын тапшырып райондун элинин атынан ыраазычылык билдирди. Ысык-Көл районунун аялдар кеңеши да энелердин атынан каалоо тилектерин арнашып фильмди тарткан чыгармачылык жамаатка алкыштарын айтышты. Адил Ахметов учурда КТРКда 1-каналдан көрсөтүлүп жаткан “ата конуш” сериалында Даулеттин образын жаратканы да көрүүчүлөр тарабынан баса белгиленип жатты.
|